මේ යන්නේ තාක්ෂණික යුගය. පිරිමින්ම විසින් හැදුව සංස්කෘතික රාමුවකින් එළියට ඇවිල්ලා ගෑනු තටු සලන්න හදන සුන්දර යුගයක්.
ඔය කියන erotics, sexual feelings එන්නේ පිරිමින්ට විතරක් නෙවෙයි. ඒක එහෙම ඒක පාර්ශවීය දෙයක් නම් මේ ලෝකේ gay සම්බන්ධතා විතරක් තියෙනවා නේ. එහෙම නැතුව තියෙන්නේ ගෑනුන්ටත් එහෙම හැඟීම් ඇති නිසා.
ඉතින් ගෑනු ළමයෙක් erotic එකක් ලියන එක sexual පෝස්ට් එකක් fb දාන එක හො ඒ වගේ දෙයක් කතා කිරීම මැජික් එකක් වෙන්නේ නෑ කීයටවත්ම. ඒක අතිශයින්ම සාමාන්‍ය දෙයක්.
කොල්ලෝ ඔය එක එක sexual දේවල් fb දාන්නේ උන්ගේ අසහනේකට වඩා ආතල් එකකට නම් එතකොට කෙල්ලෙක් ඒ වගේ දෙයක් දාන එක අසහනයක් වෙන්නේ කොහොම ද කියලා ප්‍රශ්නයක් මට තියෙනවා.
හරි අපි හිතමුකෝ කෙල්ලොන්ට ඒ දේවල් එහෙම ප්‍රසිද්ධියේ දැක්වීම අකපැමයි කියලා. එහෙම නම් එහෙම තිබුණේ මීට යුග ගණනාවකට කලින් බවත් මතක් කරන්න ඕන. ඔයා තාමත් ඒ වගේ මතේක ඉන්නවා නම් ඔයා කෙල්ලෙක් නම් ඔයා ඉන්නේ ඔයාගේ ආච්චිගෙ යුගයේ හා ඒ මානසික මට්ටමේ හා ඔයා පිරිමියෙක් නම් ඒකෙ අනිත් පැත්තෙන් ඔයා ඔයාගේ සීයාට සමානයි.
ලංකාවේ කෙල්ලෝ sex performance වලදි සෑහෙන්න පිටිපස්සෙන් ඉන්නේ කියන එක නොරහසක්.ඒක එහෙම වෙන්න හේතුවම මේ සංස්කෘතික වශයෙන් පරිණාමය නොවූ පිරිමින් ඉන්න එක කියන එකයි මගේ අදහස.
ඒත් මම මෙතෙන්දි සංසර්ගය ගැන කතා නොකර කෙල්ලෙක්ට තියෙන්න ඕන social media නිදහස ගැන කතා කරන්නම්. මනුස්සයෙක් දාන පෝස්ට් වලින් ඒ මිනිස්සුන්ගේ අසහනේ හෝ සහනේ මනින්නේ කොහොමද ?
සමහර වෙලාවට ඉහළ අධ්‍යාපන මට්ටම් ලබපු හෙන උසස් තනතුරු වල පිරිමි පවා කෙල්ලෙක් social media එකක නිදහසේ සැරිසැරුවොත් එක්කො inbox ලඟිනවා නැත්නම් ඒ කෙල්ලොන්ට පද හදනවා.
ඔය fb එකේ WhatsApp states වල erotic, romantic දේවල් දාන කොල්ලොන්ට වඩා social states නඩත්තු කරන කොල්ලො ගොඩක් වෙලාවට සංස්කෘතික වශයෙන් පරිණාමය නොවූ අය කියලා මම දැකලා තියෙනවා. මොකද එහෙම උන්ට ආතක් එකට කෙල්ලෙක් කොල්ලෙක් fb පෝස්ට් එකක් sexual දෙයක් දැම්මම ඒක මාර මැජික්, නැත්නම් අවුල්.
එහෙම නැත්නම් උන් විදින්නෙ නැති social media නිදහස කෙල්ලෙක් විදින එක උන්ට අවුල් ද කියන්නත් මම දන්නේ නෑ. ලොකුම අවුල උන් එහෙම කෙල්ලෙක් ගැන judgements වලට එනවා විතරක් නෙවෙයි පදත් හදලා වපුරුවන එක.
සමහර වෙලාවට ඔවුන්ට තියෙන්නේ ඒ කෙල්ලා එක්ක නිදහස ගැන ඇරියස් එකක් නැත්නම් ඒකිව ටැකල් කරගන්න බැරි වීම ගැන තමන්ගෙම ego එක එක්ක තියෙන ඇරියස් එකක්.
කෙල්ලෙක්ගේ verginity ගැන ප්‍රශ්න කරන, කෙල්ලෙක්ගේ අත ගත් පිරිමි ගාණ ගණන් කරන, කෙල්ලෙක්ට යම් කිසි erotic sexual දැනුමක් තිබීම ප්‍රශ්නයක් වෙන හෝ කෙල්ලෙක් එහෙම දෙයක් ශෙයාර් කරලා ආතල් එකේ ඉන්න එක මැජික් එකක් වෙන කිසිම මිනිහෙක් සංස්කෘතිකමය වශයෙන් පරිණාමය වෙච්චි පිරිමියෙක් වෙන්නේ නෑ.
ඒ වගේම පිරිමියෙක්ගෙත් අතීතය අවුස්සලා, ඉදපු ගෑනු ගාණ ගැනලා යාලු වුණාට පස්සෙත් ඒවා අල්ලන් කෑ ගගහා ඩෙකා නටන, පිරිමියෙක් ශෙයාර් කරන දේවල් වලින් උන්ව මනින ගෑනියෙක් නම් ඔයත් සංස්කෘතික වශයෙන් පරිණාමය වෙච්චි ගෑනියෙක් වෙන්නේත් නෑ.
ඔයාට දාහක් අතරෙන් එහෙම නිදහසේ තටු සලන කෙනෙක් කැපිලා පේනවා නම්; මැජික් වෙලා පේනවා නම් ඔයා ඉන්නෙත් ගෝත්‍රික සමාජ කොටසක් එක්ක.
ඒ වගේම මිනිස්සු ගැන judgements වලට එළඹෙන්නේ ඔවුන් ආස්‍රේ කරන්නේ නැතුව ඔවුන් දාන meme වලින් හෝ ඔවුන් අදින ඇදුම්වලින් නම් ඔයාට පරිණාම වාදයත් බොහෝම දුර එකක්.
ඇත්තටම ඇයි ඔයා social media එන්නේ? specially Facebook එන්නේ ඇයි?
දැනුම හොයන්න එනවා නම් උඹ fb එන්න ඕන නෑ. ඒකට තව ඕන තරම් ඇප් තියෙනවා නේ. බිස්නස් purpose එකකට එනවා නම් උඹ මෙ කාගෙවත් වෝල් බල බලා ඉන්න ඕනෙත් නෑ.
Stress එක නැති කරගන්න ආතල් එකෙ meme එකක් බලලා හිනා වෙන්න තමයි අපි ඇත්තටම ගොඩක් වෙලාවට fb use කරන්නේ. ඇත්තටම මිනිස්සුන්ගේ social media life එකකින් මිනිස්සු ගැන judgements වලට එන්නේ කොහොමද එතකොට. මිනිස්සු ආතල් එකක් ගන්න එන තැනක කොහොමද මනුස්සයෙක් ගැන සම්පූර්ණ judgement එකකට එන්න පුළුවන් වෙන්නේ?
Fb එකේ දාන ෆොටො එකකුත් ඇප් 10කින් විතර එඩිට් කරලා දාන එකේ දාන meme එකකින් ගෑනු පිරිමි මනින්නේ කොහොම ද? දාන පෝස්ට් වලින් හැදියාව මනින්නේ කොහොම ද?
ඔය මුකුත් නොදා බුකියට වෙලා තත්වෙ නඩත්තු කරන ගෑනු පිරිමි ඇත්ත ජීවිතේ කී දෙනෙක්ගේ පවුල් අවුල් කරලා ඇති කියල ද හිතන්නේ? එතකොට ඇත්තටම බඩු වෙන්න ඕන social media වල ආතල් එකට meme එකක් දාන හෝ හැකියාවට ආසාවට දෙයක් ලියන කෙල්ලෙක් ද? නැත්නම් පවුල් කඩන අර වගේ පුස් උන් ද?
නූතන සත්වයාට නිරායාසිකවම ජීවිත දෙකක් හිමි යි.
01. භෞතික ලෝකයේ ජීවිතය
02. සයිබරයේ ජීවිතය
ඉතින් එතකොට ආතල් එකක් ගන්න හිතන් එන සයිබරේ ජීවිතෙන් භෞතික ලෝකයේ ජීවිතේ ගැන නිගමන වලට ඇවිල්ලා වැළලිලා සංස්කෘතිකමය වශයෙන් පරිණාමය නොවූ මානවයෙක් බව ඔප්පු කිරීමෙන් වළකින්න.
ශෙයාර් කරන meme එකකින් ලියලා දාන දේකින් මනුස්සයෙක් සම්පූර්ණයෙන්ම නිර්වචනය වෙන්නේ නෑ. ඉතින් එහෙම එකෙ ඔයා කෙනෙක් ඒවයෙන් නිර්වචනය කරන්න එපා.
මොකද ඒකෙන් සිද්ධ වෙන්නේ ඔයා තාම ඔයාගේ මුත්තගේ කාලේ කෙනෙක් කියලා ඔප්පු වෙනවා විතරයි.
උපුටා ගැනීම – මුහුණු පොතේ “කණාමැදිරියෙක් “පිටුව ඇසුරෙනි.
“කහ දත් මගේ හීන විනාශ කළා”
බැරි බර ඉස්සුවොත් වෙන්නේ කොන්දෙ පොට යන එක
